新正年頭的祈禱
（請用福佬話讀）
主阮的上帝，你是創造宇宙的主宰！佇新正年頭的時陣，阮用 謙卑的心，來到你的面前，懇求你赦免阮的罪：因為佇過去的日子 ，阮雖然承受你的救恩，總是阮也辜負你的疼。你賞賜阮有日光、 雨水、青翠的草埔、美麗的山河，總是阮卻不曉好好來領受，保惜 此款美的環境，致到互你來受氣，通過土石流、山崩地裂來提醒阮 來反省。主啊！求你赦免阮的罪！
主阮的上帝，你是施恩的上帝！佇新正年頭，阮用感恩的心來 到你的面前，獻上阮的感謝：雖然阮常常得罪你，惹你受氣，總是 你猶原用恩典做年冬的冕旒，對年頭到年尾，你引導阮的腳步。雖 然有時遇著風颱；有時景氣醜；有時治安的亂象互阮心艱苦；有時 有親人朋友死失，互阮心痛疼；猶久你保守扶持阮腳步，堅固阮的 信。因為阮知凡事有你的旨意，阮要用感恩的心來順服你的旨意。
主阮的上帝，你是聽人祈禱的上帝！佇新正年頭，阮好膽來到 你的面前向你祈求：佇新的一年，保守阮的身心靈，互阮會行佇你 的光明中，無致到犯罪；賞賜阮有感恩的心，來領受你所互阮美的 環境，也會好好來保惜；互阮有堅固的信仰，佇患難中忍耐，窘迫 中吞忍，悲傷中受安慰，死失中有復活的確信。
主阮的上帝，阮頭前的路懇求你來引導，互教會得到進步，成 做社會的光燈，信徒能通時常親近你，愛讀你的話，成做生活中的 氣力，來向多多人見證你的聖名，互福音成為台灣人的向望，復導 阮的國家走向光明的大路。
靠主耶穌名求，阿們。
本文原刊載於「耕心週刊」，經耕心同意，授權本中心使用。
若您欲轉載本文，請先取得耕心同意。